အိပ်တန်းပြန်ငှက်များ၏ ဒိုင်ယာရီ
စွန့်စွန့်စားစား
ခရီးသွားငှက်တွေပါ…..
မနေ့ကရာသီတွေလိုပဲ
သမားရိုးကျနေတတ်ခဲ့ပါပြီ…..။
မျက်လုံးစုံမှိတ် တိတ်တိတ်နေတတ်ခဲ့ပါပြီ…..။
ဦးတည်ရာမဲ့လမ်းတွေထက်မှာတော့
ဗလာသက်သက်နဲ့ စုတ်ချက်ကြမ်းတွေပဲ ရရှိခဲ့တယ်…။
ဒီရေကိုကျော်ဖြတ်
မုန်တိုင်းလွတ်မယ့်အရပ်ဟာ မျှော်လင့်ချက်တွေနဲ့ပေါ့….
လရောင်ငတ်တဲ့ညတွေတိုင်းမှာ
မိုးစက်တွေက ကဗျာမဆန်ခဲ့ဘူး….
ရေလှိုင်းတွေဟာလည်း ကဗျာမဆန်ခဲ့ဘူး…
ရူးရူးမူးမူး တိုးထွက်ခဲ့ရပေမယ့်
နှလုံးသားတွေ မရဲရင့်ခဲ့ကြဘူး….။
မိသားစု
ဘ၀
စားဝတ်နေရေး
အရာအားလုံးအတွက် စတေးခဲ့ရတဲ့လက်တွေထဲမှာ
သိက္ခာတွေ မပုပ်သိုးခဲ့ဘူး…
ကိုယ့်လိပ်ပြာကိုယ် အရောင်မဆိုးခဲ့ပါဘူး…..။
ရင်နာစရာတွေက စားမြုံပြန်ဖို့လွယ်ပေမယ့်
ရင်နင့်စရာ အမာရွတ်တွေကတော့
အခုထိ ထင်ကျန်နေတုန်း ပဲ ……။
လေဟုန်မှာ ၀ဲခဲ့ရပေမယ့်
ဆုတ်ပြဲခဲ့တဲ့ ဒီအတောင်ပံတွေကိုတော့
ဘယ်သူကများ စာနာနိုင်ခဲ့လို့လဲ….။
အရှုံးမပေးဘူးလို့ ရူးလောက်အောင်အော်ဟစ်နေလည်း
မျှော်လင့်ချက်ရင်ခွင်တခြမ်းကတော့ မီးကြွမ်းခံခဲ့ရပြီးပြီလေ….။ ။
၁၆၊၁၀၊၂၀၀၇
